Posted by: proregno | May 26, 2014

Kelkiewyn – Jaargang 7 nr.1 – Ondersoek jouself !

Kelkiewyn April 14 Front

Kelkiewyn – Ontwikkel ‘n volwasse, Bybelse perspektief

Tema: Ondersoek jouself 

Om te groei en vooruit te gaan in die geloof moet jy gereeld voorraadopname van jou eie lewe maak. Dit neem tyd. Jy weet mos hoe laat jou wederhelfte van die werk af kom wanneer hulle “stock take” het. Jou ‘selfondersoek opname’ behoort ook tyd te neem, maar dis makliker as jy dit meer gereeld doen. Wanneer jy hierdie ‘opname’ maak is die belangrikste ding waaroor jy moet nadink, jou eie persoon. Jy moet jouself ondersoek en dit is seker een van die moeilikste dinge in die lewe. Om werklik eerlik met jouself te wees verg mos inspanning. Min van ons kry dit maklik reg.

Om jouself egter te ken moet jy ook die mensdom ken. Wat het al met die mensdom gebeur? Wat is ons geneigdheid? Wat wil God hê moet ek en jy dan hier doen? Jy moet jou eie geaardheid ken. Jy moet jou eie swakhede ken en hoe om daarteen te veg. Dan moet jy weet waar jou verlossing vandaan kom. Christene weet mos – oplossings en redding kom nie van die wêreld af nie. Uitkoms word deur God gegee deur geloof in Jesus Christus. Wanneer jy die verlossing smaak, sal jy vooruitgaan en groei in die geloof en jy sal dankbaar lewe.

Die Kelkiewyn wil jou toerus om anders te dink. Om ‘n volwasse en Bybelse perspektief op sake te ontwikkel, om meer oor en meer, soos God te dink (Kol. 3:1-2). Nadat jy gedink het moet jy egter oorgaan tot aksie. Dis wat ons wil hê jy moet doen. Leef uit die Bybelse instruksie wat ons hierin wil weergee.

In hierdie uitgawe word jy opgeroep om jouself te ondersoek. Verskeie tematiese artikels sal die oproep ook op jou doen.

Ons nooi jou uit om nie net die artikels te lees nie, maar ook diep na te dink oor die skrywers se gedagtes. Ondersoek jouself!

Ds. Neil Prinsloo

Skryf in deur ‘n e-pos met ‘n versoek te stuur aan: redakteur@kelkiewyn.za.net

Laai hier af:  Ondersoek jouself


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s

Categories

%d bloggers like this: