PRO REGNO

One response to “Pro Regno Radio (PRR) Episode 2: Die wortels van ons Christelike Republikeinse Verset- en Vryheidstryd (deel 2)”

1. 

   Josef du Toit

   8 May 2020

   Dankie hiervoor ds Slabbert. Verskil wel met dr Scholtz oor terminologie wanneer hy skryf: “Van Calvyn tot Du Plessis Mornay loop daar dus ‘n opgaande lyn. In die Calvinistiese beginsel dat ‘n goddelose owerheid weerstaan moet word, wortel die hedendaagse demokrasie.”

   Is dit nie juis “hedendaagse demokrasie” wat so ‘n groot aandeel in die ondergang van die Weste speel nie? Anders as wat deesdae dikwels aanvaar word, was die stigters van die groot vaandeldraer van demokrasie vandag, die Verenigde State van Amerika, hewig gekant teen demo(ne)krasie.

   Ek dink dis Ben Franklin wat gese^ het dat demokrasie die tirannie van die 50%+1 oor die 50%-1 is, en elders demokrasie vergelyk het met twee wolwe en ‘n lam wat stem oor wat om vir aandete te neem. Franklin stel daarenteen Verteenwoordigende Regering, deur voort te borduur oor die ete-verkiesing van die lam en die wolwe, naamlik dat Verteenwoordigende Regering is ‘n goedgewapende lam wat hom teen die verkiesingsuitslag verset!

   So ook, by die Nederlandse Republiek, waaruit die volkstigting in die suidpunt van Afrika voortgespruit het. Die adelliede van die Nederlandse provinsies het periodiek die leier (stadhouer) van die republiek gekies, tipies Willem die Swygeraar, maar wanneer enkele provinsies in sommige verkiesings nie daarmee genee”nt was nie, was afskeiding aanvaarbaar.

   In Verteenwoordigende Regering, word alleen die mees noodsaaklike besluite sentraal geneem, en alle ander sake so laag moontlik afgewentel. Besluitneming streef so ver dienlik na konsensus, met die immerteenwoordigende reg tot afskeiding vir beswaardes.

   Reply

This site uses Akismet to reduce spam. Learn how your comment data is processed.